Времето денеска ќе биде сончево и многу топло со температура од 17 до 40 степени. Во попладневните часови ќе има локално зголемување на облачноста и услови за изолирана појава на краткотраен дожд со ретки грмежи. Ќе дува слаб до умерен ветер претежно од југоисточен правец, информираат од УХМР.
Во Скопје ќе биде сончево и многу топло. Ќе дува слаб до умерен ветер претежо од југоисточен правец. Утринската температура ќе достигне 21 степен, а дневната 38 степени.
До петок, под влијание на многу топла воздушна маса, времето ќе биде претежно стабилно и многу топло. УВ индексот и натаму ќе биде 9. Промена на временската состојба се очекува од сабота, кога ќе има зголемување на облачноста и локален дожд со ретки грмежи. Ќе дува и засилен ветер, најпрво од југозападен, а во недела од северен правец.
Со високи температури од портокалова фаза и денеска ќе биде зафатена територијата на целата држава, соопшти Министерството за здравство согласно најавата на метео-алармот од Управата за хидрометеоролошки работи.