Во Србија регистрирани нови 74 заболени од корона вирусот

Во Србија денеска се регистрирани нови 74 позитивни случаи на корона вирусот, од тестирани 3.124 лица.

Со тоа вкупниот број на потврдени случаи на Ковид-19 во земјата порасна на 11.741, хоспитализирани се 390 лица, додека на респиратор моментално се 12 пациенти.

Во последните 24 часа почина едно лице од последиците на коронавирусот, со што вкупниот број на жртви се искачи на 248.

Вкупниот број на тестирани лица е 269.185, а досега излечени се вкупно 11.056 луѓе.