Торнадо помина низ градот Матадор во северната американска држава Тексас при што загинаа четири лица, беа повредени неколку други и оштетени се најмалку десетина згради, соопштија официјални лица.
„Торнадото без преседан“ падна во 20 часот по локално време, носејќи разорни ветрови во малата заедница од околу 600 жители, според Противпожарната служба на Лубок, на околу 90 милји од Матадор.
Пожарникарите од Лубок се една од неколкуте служби за итни случаи од целата провинција кои се приклучуваат на напорите за спасување.
Multiple homes and businesses completely destroyed in Matador TX after a tornado
Video from Jason Weingart on Facebook#matador #texas #iawx #tornado #breakingnews pic.twitter.com/6xwHmc26uL
— Crime With Bobby (@crimewithbobby) June 22, 2023
Најмалку десет лица се пренесени во блиските болници, од кои едно почина, соопшти полицијата на прес-конференција денеска наутро.
„Град со оваа големина со толку мала популација, со количината на штета што ја доживеале – не само материјалната штета, туку и економското и емоционалното влијание што ова ќе го има врз градот е многу значајно“, рече портпаролот на противпожарната служба, Дерек Делгадо.
Видео снимката по минувањето на торнадото покажува голем број куќи срамнети со земја и урнати далноводи. Околу дваесетина возила за итни случаи го осветлија темниот пат на видеото, кое беше објавено од пожарникарската служба.
Pray for Matador. They’ve been hit by a significant tornado. West side of town has significant damage. @KLBKNews #Tornado #TXwx #KLBK @NWSLubbock pic.twitter.com/vfXRDhFOLR
— Jacob Riley – KLBK (@jrileywx) June 22, 2023
Повеќето жители во округот Мотли беа без струја, според веб-страницата poweroutage.us. Прекин на струја е забележан и на 209 километри јужно од Матадор.