Заразените со ковид гласаа на изборите во Штип, утре на ред се изнемоштените и осудениците

by Фокус

Сите 12 граѓани позитивни на Ковид 19 или во изолација, кои по електронски пат се пријавија за гласање на предвремените локални избори, го искористиле своето право на глас за нов градоначалник на Штип. Тие во текот на денот беа посетени од две медицински екипи посебно опремени со медицинска заштитна опрема.

Утре, пак, гласаат болните и изнемоштените, исто така во домашни услови и под посебни Ковид протоколи, како и осудените лица во петте казнено поправни установи во земјава.

Инаку, вкупниот број на избирачи е 41.777. Гласачките кутии на 77 избирачки места се отвораат во недела, на 13-ти декември, во 7, а се затвораат во 19 часот. За успешен изборен процес потребно е на избирачките места да излезат една третина од вкупниот електорат.

Доколку нема цензус, целото гласање започнува од почеток. Доколку пак има цензус и еден од вкупно 5-те кандидати ја добие довербата на повеќе од 50 отсто од излезените избирачи, втор круг нема да има, а новиот градоначалник ќе се знае во недела навечер.

Неговиот мандат ќе биде 9 месеци до одржувањето на редовните локални избори следната година.

Поврзани новости