„Со месеци десетици македонски патриоти неосновано лежат во притвор. Десетици македонски патриоти се жртва на политички терор и нивните слободи и права се нарушени, реагираа од ВМРО-ДПМНЕ.
„Нефункционалноста на правната држава и нарушеноста на владеењето на правото се констатирани и од Комесарот за човекови права при Советот на Европа. Факт кој остана премолчен од властите и правосудните органи. Притворот наместо како мерка претпазливост во овој контруиран случај против овие десетици патриоти се користи како казна и тортура. Без постоење на реални основи луѓето се ставени во притвор и повеќе месеци против нив не се преземани истражни дејствија. Тоа јасно покажува дека овде нема случај, а луѓето се држат во притвор со цел да бидат шиканирани – се наведува во партиското соопштение.