Трамп: Јас сум воен претседател, ќе го победиме овој непријател!

Претседателот на САД, Доналд Трамп даде ветување дека тие ќе се изборат против опасниот корона вирус, додавајќи дека се гледа како воен претседател во оваа ситуација.

„Ова е војна. Јас гледам на ситуацијата како да сум воен претседател. Мора сите да се жртвуваме, зашто сме заедно во ова. Ова е невидлив непријател, а тоа секогаш е најтешкиот непријател. Но, ќе го поразиме овој невидлив непријател. Мислам дека ќе успееме и побрзо отколку што мислиме“, изјави Трамп.

Во САД досега има повеќе од 9.300 заразени со коронавирусот, вклучувајќи и двајца членови на Конгресот, а починале 150 луѓе.