Расте бројот на заболени од корона вирусот во Албанија: Досега починаа 11 лица

by Fokus 12:36
12:36

Во Албанија бројот на заразени од корона вирусот се зголеми на 223 лица. Досега починати се 11, а излекувани се 44 лица.

-Во последните 24 часа тестирани се 90 сомнителни случаи при што кај 11 од нив е дијагностициран Ковид -19. До денеска тестирани се вкупно 1.526 сомнителни, од нив позитивни се 223 лица. Утрово, 79-годишен пациент од Тирана, почина на Инфективната клиника, во која беше хоспитализран 18 дена. Состојбата му беше подобрена, но почина од срцев удар и тој е 11-та жртва од овој опасен вирус, соопшти Министерството за здравство и социјална заштита.

- Advertisements -

На Инфективната клиника моментално се наоѓаат 74 пациенти, од нив седум се на интензивна терапија од кои четворица се интубирани. Останатите засега се во стабилна состојба.

Минстертвото упатува апел до граѓани да ги почитуваат мерките и препораките.

„Ве молиме продолжете да седите дома бидејќи ова е единствениот начин на кој можеме да надминеме овој предизвик, апелира министертвото.

Од денеска во Албанија почна да се применува мерката со која на пензионерите, односно повозрасните лица, целосно им се забранува излегување од дома, а од секое семејство со посебна дозвола може да излегува само еден член во набавка на потребните продукти и лекови.

Поврзани новости