Наставник поттикнувал ученик да нападне негов соученик, пријава од мајката во полиција

Жена од Скопје денеска пријавила дека на 19 мај на час во основно училише во Карпош по претходно недоразбирање меѓу нејзиниот малолетен син и негов соученик, наставникот го поттикнувал другиот малолетник физички да го нападне нејзиното дете.

Министерството за внатрешни работи соопшти дека според пријавата малолетникот на 19-ти месецов во училишниот двор го турнал нејзиниот син, по што настанот е пријавен кај училишниот психолог.

„Истиот малолетник, според пријавителката, подолг период ги малтретирал и нејзините други два сина кои учеле со него.Се преземаат мерки за расчистување на случајот“, соопшти МВР.