Изминатите пет дена бројот на нови случаи на Ковид-19 е под 10 проценти од тестираните пациенти. На почеток на неделата беа направени 860 теста, од кои 78 пациенти резултираа позитивни на корона вирусот. Потоа следниот ден (25 август) бројот на тестови се искачи на над 1.700, но бројот на новозаразени пациенти беше 127. Во некои од последните денови имаше случаи кога процентот на ново заразени не беше поголем од пет-шест посто. Така што вчера беа направени 2.018 тестирања, а регистрирани се 159 нови случаи на Ковид-19. Освен намалениот број на новозаразени со корона вирусот, за разлика од претходниот период, во последниете денови е регистрирано и зголемено оздравување на пациенти заразени од Ковид-19.
И понатаму најголемиот број на активни заразени од Ковид-19 се регистрирани во Скопје (854), потоа следат Куманово (356), Гостивар (230), и Штип и Тетово по (175 активни пациенти со корона вирус).
Во скопските општини, и понатаму на со најголем број активни случаи 117 е Општина Чаир, но далеку подобро од претходниот период кога бројот на заразени со корона вирусот во ова општина ги надмина 400 пациенти. По Чаир, со најголем број на заразени со Ковид-19 е Општина Аеродром (105), Гази Баба (102) и потоа следат Кисела Вода, Карпош, Центар, Бутел и тн.