Откако на минатото рочиште пред Кривичниот суд се собраа членови на семејствата на пациенти кои се лекувале во клиниката „Жан Митрев“, му извикуваа „Уааа“ и порачуваа дека се жртви на измама, денеска пред денешното рочиште се собрале група на граѓани кои му давале поддршка и бараа правда за обвинетиот лекар и неговата клиника.
Обвинението против Жан Митрев и болницата го поднесе Основното јавно обвинителство (ОЈО) Скопје на 10 јануари 2023. Докторот се гони за кривичното дело измама (член 247, став 4 од Кривичниот законик), а е поврзано со лекувањето ковид-пациенти со методот хемофилтрација.
Предметот на обвинението е прикривање на клучните факти за хемофилтрацијата, односно методот бил прикажуван онака како што не смее, дека е алтернатива за лекување од ковид, а всушност не е така. Тоа Митрев го правел и преку многубројни медиумски настапи кои ќе бидат дел од доказите.
Жан Митрев, пак, уверува дека е невин и тврди дека не бил измамен ниту еден пациент.
Истражувачката репортерска лабораторија (ИРЛ) објави документарец под наслов „Нечиста крв“, по што беше отворен и предметот во ОЈО Скопје.
Пред Основниот кривичен суд Скопје, денеска се собра група на граѓани во знак на поддршка и апел за правда на обвинетиот Жан Митрев, непосредно пред почетокот на насроченото рочиште.
Фото: МИА