Германската амбасада во Скопје ги затвора конзуларното и визното одделение за посетители на неопределено време како последица на прогресивното ширење на корона вирусот.
-Сите веќе закажани термини ќе бидат автоматски пререгистрирани од страна на Амбасадата за некој подоцнежен термин. Ако имате исклучиво германско државјанство и Вашиот германски пасош и/или лична карта ќе стане невалиден во следните два месеца или веќе е неважечки, Ве молиме да нѐ контактирате по мејл на info@skopje.diplo.de. Ве молиме со мејлот да приложите копија од Вашиот пасош и/или лична карта. Амбасадата ќе информира на нејзината веб-страна www.skopje.diplo.de, штом ќе се нормализира протокот на посетители и повторно ќе може да има термини, се вели во соопштението објавено на веб страницата на германската амбасада.