Форбс објави листа со која покажува кои 100 земји се најбезбедни во време на пандемијата на коронавирусот. На првото место е Швајцарија, втора на листата е Германија, на трето место е Израел, потоа доаѓа Сингапур, Јапонија, Австралија и Кина на седмо место.
Според анализата Македонија е сместена на 103. место, а како најопасна земји се смета Јужен Судан.
Поголем дел од земјите во регионот се најдоа меѓу првите 100.
Од регионов најдобро е позиционирана Словенија на 32. место, четири места зад неа е Хрватска, додека Црна Гора е на 42. место. Србија пак се најде на 54. место, а Албанија на 88. место.
Податоците се базираат на 130 параметри, како и на повеќе од 11.000 информации во такви категории, како што се ефикасност на карантинот, мониторинг и откривање на заразени, стабилност на здравствениот систем и ефикасност на владите.
Во овој момент, според извештајот, најопасни држави се Африка, Јужна Америка, како и некои блискоисточни земји и држави од Пацификот.
