585
Министерот за внатрешни работи Наќе Чулев оценува дека натпреварот меѓу Македонија и Косово од голем безбедносен ризик, но може да се игра со публика.
-Не гледам причина да биде фудбалскиот дуел без публика. Во постојан контакт сме со навивачките групи, разговараме превентивно. Направиме план на ниво на МВР кој е план за Европско првенство 2020 и преземаме мерки и активности натпреварот да биде одржан во најдобри услови од безбедносна гледна точка – рече Чулев.
Сепак, тој посочи дека одлука дали натпреварот ќе се игра без публика поради потенцијална опасност од корона вирусот ќе носи Управувачкиот комитет предводен од министерот за здравство.