Пратеникот Стефан Богоев денес ги собра сите погледи, откако на собраниската говорница се појави со беџ, на кој што е прецртаниот лик на Никола Груевски.
Беџот, кој што Богоев гордо го носеше на својот ревер стана интернет сензација и веќе доби и име, а пратеникот добил десетици пораки, во кои што заинтересирани го прашуваат каде може да се купи Анти – Никола беџ.
,,Беџот го имам уште од 17 мај, од кампот на слободата. Од тогаш не го вадам, и си ветив дека ќе го носам на седница за демократска влада, кога и да биде.
Еве дојде и тој ден.
Не очекував дека беџот инстантно ќе стане популарен, за кратко време добив многу пораки и заинтересирани ме прашуваат каде да го купат истиот.
Колку што сум информиран, го нема во продажба, но ете идеја за добар бизнис и брза заработка, продажба на Анти – Никола беџови” – ни изјави пратеникот.
Идентични транспаренти, со прецртаниот лик на Груевски често можеа да се видат и за време на Шарената револуција.
Вики Клинчарова