Во скопското село Горњани вчера се случи уште еден инцидент на семејно насилство каде маж во алкохолизиранa состојба физички ги нападнал својата сопруга и својот син. Настанот го пријавила сопругата откако таткото на фамилијата ја уништил покуќнината и ги бркал од дома.
Својот бес го истурил и на возило марка „нисан“ во сопственост на трето лице. Од тоа што паѓал по дворот, пијаниот З.П. се здобил и со тешки повреди по телото поради што од екипа на Итна медицинкса помош бил пренесен во Ургентниот центар во Скопје.
Инаку, според статистиките секоја трета жена е жртва на семејно или сексуално насилство. Во Македонија има пет шелтер центри, не недоволно опремени и екипирани.
Од Министерството за труд и социјална политика вчера најавија дека ќе се отвора Центар за жртви од семејно насилство на тајна локација. На ова место на жртвите треба да им биде овозможена психосоцијална поддршка и помош во нивна ресоцијализација.