Мајка и син биле уапсени во скопски Карпош поради нарушување на јавниот ред и мир, информираат од МВР.
„Полициски службеници од полициската станица Карпош ги привеле С.Л. (22) и Л.Н.Е.(45), двајцата од Скопје, бидејќи во 3.50 часот на крстосницата од булеварот „Партизански одреди“ со улицата „Бледски договор“, С.Л. кој бил под дејство на алкохол го нарушил јавниот ред и мир со агресивно однесување кон полициски службеници, додека во 6.10 часот во просториите на полициската станица Карпош, мајка му Л.Н.Е. го нарушила јавниот ред и мир со агресивно однесување, бидејќи не ѝ било дозволено самоволно и без дозвола да влезе во просторија каде бил нејзиниот син С.Л., кој бил претходно приведен. По целосно документирање на случајот, против нив ќе биде поднесен соодветен поднесок“, велат од МВР.