333
Социјалдемократскиот сојуз соопшти дека на денешната седница на централниот одбор одлучиле во наредните две недели амандманите за измена на Уставот да бидат разгледани од Владата и јавно да бодат објавени.
„Потоа тие ќе бидат доставени до Собранието по што ќе следи и процес на дискусија согласно собраниската процедура“, соопшти СДСМ.
На седницата социјалдемократите оцениле дека скрининг процесот во рамки на преговорите со ЕУ се одвива добро и наскоро ќе финишира успешно.
„Владата предводена од СДСМ, заедно со коалициските партии останува посветена на реформите потребни за продолжување на европскиот пат на земјата и остварување на стратешката цел, членство во ЕУ. Европската интеграција на земјата треба да биде обврска на секоја политичка партија. Затоа сите релевантни парламентарни партии и сите пратеници коишто иднината на земјата ја гледаат како полноправна земја членка на ЕУ треба да ги поддржат уставните измени2, соопшти СДСМ.