По повлекувањето на руските трупи од Харков жителите се вратија во градот. Во Киев тврдат дека Русија изгубила третина од копнените сили, очекувајќи го крајот на војната оваа година.
„Не успеаја да го заземат Киев, се повлекуваат од околината на Харков, нивната голема офанзива во Донбас е запрена. Русија не ги постигнува своите стратешки цели“, рече Столтенберг.
Војската на обединетото кралство, исто така, потврди дека руската офанзива во источниот регион Донбас изгубила замав, проценувајќи дека Русија изгубила околу една третина од својата копнена борбена сила од почетокот на војната во февруари.
Високиот украински претседателски советник Михајло Подољак вели дека Украина може да ја победи Русија до крајот на годината, но има потреба од тешко оружје од западот и „вистинско ембарго на нафта“ за Русија.