По налог на Богдановиќ инспектори „чешлаат“ три објекти во Центар, некои од проектот „Скопје 2014“

by Fokus 10:24
10:24

Новиот градоначалник на општина Центар Саша Богдановиќ, со усен налог испрати инспекција на три објекти: на приватен објект на Кале, приватниот објект позади стара „Томче софка“ и Градска куќа со хотелскиот комплекс, која порано беше во сопственост на Кондаминас, информираа од Општина Центар.

Инспекторите испитуваат дали сопствениците на објектот на Кале имаат одобрение за градба и неопходна документација. Кај објектот позади стара „Томче софка“, не е истакната задолжителната табла со податоци за инвеститор и одобрение за градење, што е спротивно на законот.

- Advertisements -

Од сопственикот и од инвеститорот на Градска куќа со хотелскиот комплекс, која е дел од проектот „Скопје 2014“, побарана е целосната документација.

Инспекторите врз основа на констатираната фактичка состојба ќе изготват решенија за натамошните постапки на општината.

Поврзани новости