Параглајдерист од Словачка падна и почина во Прилеп

Фатален исход за 40-годишен параглајдерист од Словачка кој летал со параглајдер вчера од Мечкин Камен во Крушево. Во атарот на селото Мажучиште во Прилеп паднал во 16.00 часот и починал на самото место. Екипа на итна медицинска помош констатирала смрт.

Увид на местото на настанот извршил јавен обвинител и увидна екипа на Полициската станица во Прилеп, а по наредба на јавен обвинител телото на починатиот Т.С. е предадено за обдукција.