Митрополитот Петар ги освети темелите, а фолк естрадата ќе пее за доизградба на манастирот во Ропотово

Во Прилеп ќе се одржи голем хуманитарен концерт на кој ќе настапи дел од фолк естрадата, со цел да се соберат средства за доизградба на манастирот Свети Атанасие во село Ропотово.

Темелите за изградбата на манастирот во чест на Свети Атанасиј Велики беа осветени од Митрополитот Петар во октомври 2016 година. Концертот ќе се случува во дворот на Основното Училиште Ѓорче Петров со почеток од 18 часот на 17-ти јуни.

Пред присутните ќе настапат Јордан Митев, Ирена Спасовска, Сања Ристеска, Спасен Сиљаноски, Снеже Радичевска, Дамјан Стојаноски, Далибор Ѓошиќ, Оливер Лозаноски, групата Маестрал и други. Влезниците ќе бидат 100 денари.

Вики Клинчарова