Мајка му му донела јадење во затвор, во кутијата од сок имало хероин

Вработени во затвор Тетово вчера при преглед на храна и пијалоци донесени од мајка на затвореник, кој е на издржување времена мерка притвор, во кутија со сок пронашле зипер кеса со хероин.

Како што информира МВР, вчера околу 11 часот од страна на вработени во затвор Тетово при преглед на храна и пијалоци доставена од И.С. (61) од село Мала Речица, тетовско, кои ги донела за нејзиниот син Ф.С. (29), кој е на издржување времена мерка притвор, во една кутија со сок била пронајдена зипер кеса со хероин.

По пријавата во СВР Тетово, излезено е на местото на настанот и пронајдената материја е предадена за вештачење. Се преземаат мерки за расчистување на случајот.