Напаѓачот кој со нож нападна деца во парк во францускиот град Анеси, сириски бегалец, при апсењето изјавил дека е христијанин и дека со себе има крст и молитвеник, пренесоа француските медиуми. Откриено е и дека тој изјавил дека е христијанин кога го пополнувал барањето за азил во Шведска.
Еден од најгледаните новински канали во Франција, BFMTV, изјави дека на видеото, кое се појави по нападот, може да се види како Абделсамих Х. ја крева раката во воздух и зема нешто што го носи околу вратот, крст или медалјон, наводно извикувајќи на англиски „Во името на Исус Христос“.
Очевидци го виделе како талка низ паркот последните денови. Според првите информации тој не бил психијатриски пациент. Низ градот владеела паника, а штом се дознало што се случило, родителите почнале да ги напуштаат работните места и да трчаат кон своите домови и училишта за да бидат со своите деца.
Четири деца и двајца возрасни се тешко повредени. Две деца и еден возрасен се во животна опасност.
Екстремно десничарските партии во Франција повторија пораки против прифаќањето бегалци.
‘We have had confirmation from the French police that this man is a Syrian national who has been granted legal refugee status.’
GB News Home & Security Editor @markwhiteTV details the latest developments of the stabbing in the French Alps involving a number of young children. pic.twitter.com/6TzXgP6iTn
— GB News (@GBNEWS) June 8, 2023