Гарванлиев се најде на насловната страница на Њујорк Тајмс!

by fokus 12:32
12:32

Нашиот евровизиски претставник Васил Гарванлиев се најде на денешната насловна страница на светски познатиот медиум Њујорк Тајмс. Насловот на текстот објавен на насловната за него гласи – ,,Втора шанса, за да избегне да биде чудо со еден хит”, а потоа продолжува и на втората страница.

Текстот за Васил го потпишува Алекс Маршал, и се објавени фотографии од пробата на струмичанецот на евровизиската сцена и од видео записот за песната ,,Here I stand” со која тој ќе настапи во првата полуфинална вечер на 18-ти мај, шести по ред.

- Advertisements -

Во објавениот текст, тој раскажува за тоа како ја создал евровизиската песна, но и открива дека според него, Евровизија е еден вид на Олимпијада, кога е пеењето во прашање.

Гарванлиев и нашата делегација од петокот се во Ротердам. Годинава, поради скратување на трошоците, и делегацијата е во намален состав, а шефицата Мери Попова останала во Скопје.

-Спремен сум, мирен. Со Господ напред, заминувам во петок, изјави за ,,Фокус” музичарот еден ден пред заминувањето во Холандија.

Вики Клинчарова

Поврзани новости