Административците што седеа дома и земаа плата конечно ќе почнат да работат

Вкупно 1.600 вработени според рамковниот договор, а кои седеа дома, ќе бидат распоредени на работни места,  истакна министерот за информатичко општество и јавна администрација, Дамјан Манчевски по средбата со синдикатот на УПОЗ.

– Тие ќе добијат работни места соодветни на нивното образование, работни способности и знаење, а на работните места ќе се најдат уште следната недела. Направивме анализа на овие луѓе, знаеме кои се точно, кој се нивните професионални наобразби, искуства. А ги знаеме и потребите на институциите и сега само ја спојуваме потребата и она што е вишок на вработени кои немаа работни задачи – додаде Манчевски.