446
Од Министерството за труд и социјална работа информираа дека во од 29 јуни до 1 јули, за време на топлотниот бран, дежурните екипи на Државниот инспекторат за труд извршиле 97 инспекциски надзори од областа на безбедност и здравје при работа на целата територија на Република Македонија.
„Притоа, за 37 правни субјекти беше донесено решение за забрана за работа, а на останатите контролирани правни субјекти им беше укажано на обврската за почитување на соодветните препораки“, соопшти Министерството за труд и социјална работа.
Инспекциските надзори се извршени во дејностите: градежништво, конфекциски погони, складирање на отпад, земјоделие и други дејности.