Вучиќ: Воената парада ќе биде демонстрација на единство, а не на сила

Српскиот претседател Александар Вучиќ вели дека најавената воена парада не е демонстрација на сила, туку на единство.

-Ова е израз на нашата желба да прославиме национален празник и да покажеме колку напредна станала армијата. За да можат луѓето да видат во што инвестиравме и колку е посилна Србија во споредба со вчера. За да можат луѓето да видат дека можат да се чувствуваат безбедно – рече Вучиќ.

Воената парада, насловена како „Моќта на единството“, е најавена за 20 септември.

Се одржува во време на масовни антивладини протести во земјата, предизвикани од смртта на 16 лица во инцидент во Нови Сад.