(Вознемирувачко видео) Група на луѓе брутално тепаат маж во Струмица!

Денес на социјалните мрежи масовно се споделува видео на кое се гледа како поголема група на луѓе, првин бркаат машко лице по улиците во Струмица, а кога ќе го фатат, брутално започнуваат да го тепаат. Човекот паѓа на земја, се слушаат викотници, а голем број на граѓани го гледаат настанот од своите тераси, додека нападнатиот вика од болка.

Според коментарите објавени на страницата Струмица онлајн, под видеото, настанот се случил денес, пред неколку часа.

,,Фокус” се обиде да стапи во контакт со портпаролот на СВР Струмица, Хризантема Рендевска, со цел да добиеме информација за што станува збор, но таа не одговори на нашите телефонски повици до објавата на веста.

Вики Клинчарова