Пет лица загинаа, меѓу кои и едно дете, а тројца се хоспитализирани со сериозни изгореници, откако експлодирала цевка со врела вода во хотел во руски Перм, кој се наоѓа околу 1.155 километри источно од Москва.
Цевката пукнала денеска околу 2 часот по полноќ, по што во малиот хотел, лоциран во подрумскиот кат на станбен комплекс, избликнале пареа и врела вода.
-Имаше пареа, а водата стигна до влезот на хостелот. Се плашам да замислам што се случувало во внатрешноста на зградата – изјави еден сведок за локалните медиуми.
Пет гости во хостелот загинале, според службите за итни случаи, додека уште три жртви на доцни 20-ти и 30-ти години биле хоспитализирани со изгореници на нозете и грбот.
Локалните медиуми објавија дека цевката била изградена пред скоро 60 години, па компанијата за управување со зградата планирала целосно да го замени системот за греење минатата година.
Сепак, не е јасно дали навистина е направено е нешто на овој план и затоа покрената е истрага за случајот.
В пермском отеле 5 человек погибли, получив ожоги в результате прорыва трубы с горячей водой.
Еще трое с множественными ожогами в тяжелом состоянии госпитализированы. #жесть #пермь #карамель pic.twitter.com/9C8xJeipIQ
— Андрей Рачефф (@drongogo) January 20, 2020