Украински дронови ноќеска ја оштетија фасадата на две згради во комплексот „Москва Сити“. Агенцијата ТАСС наведува дека една кула е сериозно оштетена, искршени се прозорците од прв до четврти кат, а повреден е чувар и во една од нив.
На каналот Маш на Телеграм е објавено дека дрон паднал и на друга кула околу три часот утрово, пришто се оштетени неколку прозорци на петтиот и шестиот кат.
На снимките кои кружат низ социјалните мрежи може да се види силна експлозија по уривањето на дронот врз зградата по што се слушаат и минувачи кои врескаат во паника.
Уште две други летала се соборени во западниот дел на московската област, во реонот на Одинсово и Красногорск. Руското Министерство за одбрана наведува дека украинскиот обид за напад на објекти во Москва бил осуетен.
#Russian officials report a drone attack on #Moscow. One of the towers of the Moscow City complex was damaged. #Moscow pic.twitter.com/hwlOhlamRs
— Yash Barapatre (@nikunimje) July 30, 2023