Претседателот на САД, Доналд Трамп, упати остро предупредување за Кина оти можеби „е одговорна за ширење на пандемијата на корона вирусот“.
-Пандемијата можеше да се запре во Кина пред да почне, но тоа не се случи, и сега целиот свет страда поради тоа. Ако тоа беше грешка, вo ред. Но ако тие се свесно одговорни, мислам дека тогаш дефинитивно треба да има последици – изјави Трамп пред новинарите во Белата Куќа.
Според него, бројките на заразени и починати што ги соопштува Кина не се реални.
-Тие велат дека ние сме број еден по стапката на смртност, но тоа не е точно. Кина е број еден, а не ние. Разликата не е мала, ние не сме ни блиску до нив. Јас знам, а и тие знаат, но не сакаат да кажат. Ќе морате да му објасните на светот. Еден ден ќе објаснам и јас – рече тој.
И Австралија ја оспорува транспарентноста на кинеските власти во одговорот на епидемијата на новиот корона вирус и побара меѓународна истрага за појавата и ширењето на коронавирусoт.