Техничката влада и ВМРО-ДПМНЕ дале скоро половина милион евра за пропаганда во странство

by fokus 20:19
20:19

Речиси 220 илјади евра платила Владата на чело со техничкиот премиер Емил Димитриев за „услуги за менаџирање на угледот и имиџот на Македонија пред општествената, политичката, економската и медиумската јавност во светот“ пред и по парламентарните избори во декември, открива ПРИЗМА.

Договорите се склучени со две компании, британска и германска, во ноември 2016 година, во времетраење од три месеци, но дури денеска се објавуваат на веб – страницата на Бирото за јавни набавки, речиси половина година по склучувањето на договорот и 3 месеци по неговото завршување.

- Advertisements -

Истовремено, токму во периодот пред и после изборите, тогаш владејачката ВМРО- ДПМНЕ ги активира услугите на американската пи-ар компанија Дашл груп за застапување на интересите на партијата пред преставниците на владата на САД.  За ангажманот и активностите во периодот од ноември 2016 до јануари 2017 година, ВМРО-ДПМНЕ на Дашл груп ѝ платила вкупно 240 илјади долари.

Поврзани новости