Светските лидери побараа истрага за ковид 19

by Фокус 00:15
00:15

Светската здравствена организација подетално да го испита потеклото на Ковид-19 во Кина, бараат лидерите на Седумте најразвиени индустриски земји Г7 (САД, Канада, Германија, Франција, Италија, Велика Британија и Јапонија) во заедничка деларација објавена по тридневниот Самит во Корнвол, Велика Британија.

Во изјавата тие нагласуваат дека втората фаза од истрагата мора да биде транспарентна, темелна и водена од експерти. Во однос на коронавирусот, тие се согласиле и да донираат една милијарда вакцини на сиромашните земји, количина за која СЗО се огласи и рече дека не е доволна.

- Advertisements -

Во декларацијата се повикува и Кина да ги почитува човековите права на ујгурското муслиманско малцинство во Ксинџијанг и на жителите на Хонг Конг, притоа изразувајќи подготвеност да соработува со Пекинг за прашањата од заеднички интерес.

Г7 испрати и пораки кон Русија, барајќи да „престане со дестабилизирачките активности“, да ги почитува човековите права и да ги изведе пред лицето на правдата одговорните за кибер напади од нејзината територија. Исто така, лидерите повикуваат Русија да престане со „систематската репресија врз цивилното општество и независните медиуми“.

Поврзани новости