Синдикатот на полиција во Македонија денеска преку соопштение прашува зошто со новиот предлог буџет за идната година не е предвидено покачување на платите за полицијата. Бара покачување на платите во полицијата, поздравувајќи го истовремено предлог буџетот за идната година што го претстави министерот за финансии Фатмир Бесими.
Од овој Синдикат упатуваат реакција и до Собранието и до Владата и бара зголемува на платите во полицијата, а смета и дека се мали и ветените проценти за зголемување на платите за наведената категорија работници односно на дел од админситрацијата.
– Она што нè загрижува како Синдикат е тоа што веруваме дека вработените во МВР заслужуваат многу повеќе од предвидените ништо денари кои ги предлага Владата со ребалансот на буџетот. Барем да предвидевте исто колку и здравствените работници, како награда за секојдневниот ризик кој го преземаат работниците во Министерството за внатрешни работи, се наведува меѓу другото во пишата реакција од СПМ.
Изразуваат верување дека сите заедно ќе смогнат сила и без разлика на политиките ќе донесат одлука која, како што стои, можеби ќе ја врати довербата во професијата полицаец.