Претседателите на општинските совети може да водат седница и преку телефон или интернет

Претседателот на советот на општината може да свика и да раководи со седница на советот и со употреба на комуникациски средства (телефон или конференциска врска со употреба на интернет комуникација и софтверски алатки).

Ова го предвидува Уредба за дополнување на Уредбата со законска сила за примена на Законот за локалната самоуправа, која ја донесе владата на денешната седница.

Покрај тоа, владата донесе низа други уредби и ги прифати две донации, една од Турција а друга од домашна ИТ компанија.