Битолскиот поп пејач Димитар Андоновски, преку видео порака ја повика јавноста да присуствува на сенародниот собир против предлог законите за родова еднаквост и матична евиденција што ќе се одржи на 29 јуни 2023 во 18 часот пред Соборниот храм ,,Свети Климент Охридски” во Скопје.
-Имаме должност да ја заштитиме нашата вера, да ги заштитиме нашите семејства, а пред се нашите деца, имаме должност да ја заштитиме нашата мајка црква – истакна пејачот во видеото.
Андоновски е познат во јавноста како голем верник, и во претходни интервјуа има раскажувано како Господ му е водител во секој миг од животот. За браќата од Бигорски манастир, за сестрите од Рајчица и за неговиот духовен татко Партениј, раскажуваше дека се вистинско богатство во неговиот живот, и секогаш се трудел да биде добар христијанин и добар човек кој ќе помага на сите.
Изминатиот период тој работи во Голд Фелиција, комплекс во чиј склоп функционираат казино, кабаре, ресторан и хотел, и каде често гостуваат големи балкански музички имиња.
Целта на собирот била на мирен начин граѓаните да го изразат својот револт и незадоволство од предложените законски решенија во предлог законите за родова еднаквост и матична евиденција.
Вики Клинчарова