Пејачката Грајмс го тужи Илон Маск за прашања поврзани со нивните три деца.
Кон крајот на септември, таа поднела „петиција за воспоставување родителска врска“ во судот во Калифорнија, според документите до кои дојде Пејџ Сикс.
Петицијата е средство за идентификување на правниот однос на родителите на детето кога тие не се во брак. Може да се користи за покренување постапка за издавање налог за старателство или издршка на дете. Грајмс допрва треба да побара еден од нив.
Грајмс и Маск започнаа врска во 2018 година и таа траеше до септември 2021 година кога раскинаа. Таа го роди нивното прво дете, син по име X Æ A-KXii, во мај 2020 година, а поранешната двојка имаше и ќерка, Ека Дарк Сидерел, ака Ај, преку сурогат мајка во декември 2021 година.
Во септември 2023 година, биографијата на новинарот Волтер Ајзаксон „Илон Маск“ откри дека Маск и Грајмс тајно добиле трето дете, момче по име Техно Механикус, кое го нарекле Тау.
Во моментов, Маск има 11 деца со три различни жени. Петмина се со неговата поранешна сопруга Џастин Вилсон. Во 2002 година, таа го роди Невада Александар Маск, кој почина од синдром на ненадејна смрт на доенчиња (SIDS) кога имал 10 недели.