Прифаќање на бугарски диктат нема, но може да има заштита на националните интереси. Наместо да се приклучат одлучија да прават негативна кампања со невистини демек ВМРО ДПМНЕ прифатил нешто, а јасно е година дена дека не прифаќаме ништо од нивните лоши одлуки за Македонија!, напиша денеска на Фејсбук потпретседателот на ВМРО-ДПМНЕ, Александар Николоски откако СДСМ и денеска порачаа дека Мицкоски прифатил уставни измени.
-Неколку збора за вистината- цела година ја лажат јавноста дека преговараат со пратеници од ВМРО ДПМНЕ и коалицијата, имале па немале, ги делат луѓето на проЕУ и антиЕУ, прогресивни и регресивни, вакви и такви, а вистината е желба за ден повеќе криминална власт!
2/3 во Собранието немаат и никогаш нема да имаат! Од ВМРО ДПМНЕ поддршка за уставни измени под бугарски диктат нема и нема да има! Најдобар доказа за ова е што предлогот за уставни измени не го ставаат на гласање!
Им понудивме национално обединување на Македонците- го одбија! Станаа класични измеќари на ДУИ и Ахмети!Една година потоа после сите лаги и подметнувања СИТЕ пратеници на ВМРО ДПМНЕ и коалицијата се ПРОТИВ бугарскиот диктат и се столбот на одбраната на македонскиот национален идентитет. Понудивме и решение на проблемот што тие го создадоа, а не можат да го решат. Одбија! Кодошат и ја злоупотребуваат меѓународната заедница, одлучија наместо да прифатат решение да спинуваат. Лоши “спин доктори”!, пишува Николоски.
Тој додава дека тие понудиле државнички пристап, а СДСМ примитивизам и предавства.
-Избори се решение, колку побргу заминат толку побргу ќе огрее сонцето за Македонија! Народот да каже за иднината на Македонија како врховен судија во политиката!, смета Николоски.