Неврохирургот Венко Филипче најверојатно ќе биде нов министер за здравство

Неврохирургот Венко Филипче најверојатно ќе биде нов министер за здравство, неофицијално дознава „Фокус“. Веќе три месеци министерското столче во здравствениот сектор е празно, откако екс министерот Арбен Таравари од Алијансата на Албанците ги доби локланите избори, односно стана градоначалник.

Филипче во моментот е советник за здравство во владата на Зоран Заев.

Покрај него, во игра се Христијан Костов кој е директор на Градската болница „8 Септември“ и урологот Сашо Дохчев, кој управува со скопската Клиника за урологија.

Во понеделник се очекува името на новиот министер за здравство да стигне на собраниска седница.