Кон крајот на август се очекува багерите да продолжат да работат на водоводот во Синичане.
Градоначалникот на Боговиње Албон Џемаили за Алсат М вели дека со владата пронашле компромисно решение заедно да го направат проектот за водоснабдување кој ќе обезбеди вода за пиење за жителите на Синичане.
-Проектот ќе биде готов во експресен рок за само две недели и потоа официјално ќе започнат градежните работи – вели Џемаили.
Во зминативе осум дена, колку што траеше тензијата на падините на Шар Планина, полицијата поднесе две кривични пријави за водоводот кој предизвика тензија помеѓу жителите на Синичане и Урвиќ околу ексклузивноста на изворите за вода за пиење.
Првата кривична е за самовластие, а втората е против градоначалникот на Боговиње за несовесно работење, бидејќи дозволил да започне изградбата на водоводот без потребната документација и дозвола за работа.
