Законот за јавно обвинителство кој ќе го уреди идниот статус на Специјалното јавно обвинителство посериозно ќе дојде на дневен ред кај власта и опзицијата после претседателските избори.
– Работните групи работат, се разменуваат документи. Сега се фокусирани на изборите и по избори ќе се заврши таа работа. И сега има можност да се заврши нека ги прифати амандманите и може да гласаме во собрание – изјави синоќа Христијан Мицкоски, лидер на ВМРО-ДПМНЕ.
Премиерот и лидер на СДСМ, Зоран Заев, пак, вчера изјави дека нема политичарите да ја одредат иднината на предметите, туку тоа ќе го направат обвинителите.
-Треба правниот систем, обвинителите, да ја добијат шансата и да утврдат што ќе биде преточено во обвинение, каде судовите ќе продолжат постапки и слично – рече Заев.