Денеска времето ќе биде сончево и топло со мала до умерена облачност која ќе биде поизразена во северните делови од земјата, информираат од Управата за хидрометеоролошки работи (УХМР). Ќе дува слаб претежно јужен ветер, додека во североисточните делови ветерот ќе биде од северозападен правец.
Минималната температура ќе се движи во интервал од седум до 17 Целзиусови степени, а максималната ќе достигне од 28 до 33 степени. Вредноста на УВ-индексот ќе изнесува 5.
Во Скопје се очекува слично време, сончево со мала до умерена облачност и слаб ветер претежно од северозападен правец. Минималната температура во главниот ќе се спушти до 12, а максималната ќе достигне 31 Целзиусов степен.
Во следните денови, како што информираат од УХМР, и понатаму ќе се задржи стабилно и топло време. Во петок, во попладневните часови, ќе има локална појава на краткотрајна нестабилност проследена со пороен дожд и грмежи. За време на викендот ќе преовладува сончево време, со повремена облачност и услови за изолирана појава на краткотраен дожд со ретки грмежи, претежно на југоистокот на земјата.