Хирургот Гасан Абу Ситах, кој работи во болница во Газа, се пожалил дека мора да ги дезинфицира раните на повредените со оцет од продавница бидејќи медицинските лекови се при крај, пишува „Скај њуз“.
Докторот на социјалната мрежа „Икс“ објави фотографија од шише оцет што го користи за лекување.
Vinegar from the corner shop to treat pseuodomonas bacterial wound infections. Its come to that. pic.twitter.com/mEE4haHMyj
— Ghassan Abu Sitta (@GhassanAbuSitt1) October 19, 2023
Тој работеше во различни болници во Газа од избувнувањето на конфликтот меѓу Израел и Хамас и оперираше во болницата Ал-Ахли, која беше погодена од две ракети во вторникот, при што загинаа речиси 500 луѓе.
Израелската армија отфрли каква било одговорност за нападот и го обвини Хамас, додека палестинската група го возврати обвинението. Израел подоцна објави неколку видеа од ракетниот напад врз болницата, тврдејќи дека „тие докажуваат дека тоа не е нивна вина“.
Хуманитарната агенција на Обединетите нации (OCHA) претходно соопшти дека болницата Шира во Газа била преплавена од ранети пациенти. Како што е соопштено, лекарите биле принудени да ги оперираат ранетите на подот, главно без анестезија.