Поранешната премиерка на Украина, која штотуку излезе од затвор по немирите во Киев, беше вистинска ѕвезда на конгресот на европските десничарски партии во Даблин каде вчера и денеска учествува и премиерот Никола Груевски.
Неа ја придружуваше и Виталиј Кличко, предводникот на опозициските протести во Украина.
Тимошенко имаше срдечни средби со претседателот на Европската комисија Жозе Баросо, експремиерот на Бугарија Бојко Борисов, канцеларката Ангела Меркел, а нашла време и да се пошегува бидејќи за време на конгресот направила „селфи“ налик на она оскаровското кое стана многу популарно.
За жал, во кадарот на „селфито“ го нема нашиот премиер, а на официјалната галерија за настанот во Даблин досега нема заедничка фотографија на Груевски со Тимошенко или со ексбоксерот Кличко.
