До 13 часот гласале 430.364 граѓани, или над 24%

Според последните податоци од Државната изборна комисија, излезноста до 13 часот е над 24%, од обработени над 90% од гласачките места.

Според податоците објавени на веб сајтот на ДИК, гласале 430.364 граѓани.

Во земјава денеска се одржува првиот круг од претседателските избори. Право на глас имаат 1.814.317, кои можат да изберат меѓу седум кандидати Стево Пендаровски, Гордана Силјановска Давкова, Стевчо Јакимовски, Бујар Османи, Билјана Ванковска, Арбен Таравари и Максим Димитревски.