Турскиот претседател Реџеп Таип Ердоган изјави дека судовите ќе ги исправат сите грешки во жалбениот процес по затворањето на опозицискиот градоначалник на Истанбул и дека Турците немаат право да ги игнорираат правните пресуди.
Во своите први директни коментари околу осудата на Екрем Имамоглу, кој беше осуден на две години и седум месеци затвор и му беше изречена политичка забрана, Ердоган рече дека не му е грижа кој е кандидат на опозицијата на изборите следната година.
Имамоглу беше обвинет за навреда на јавни функционери во 2019 година, кога ја критикуваше одлуката за откажување на првиот круг од општинските избори што ги доби против 25-годишната актуелна влада на партијата на Ердоган.
-Сè уште нема конечна судска одлука. Случајот ќе оди пред Апелациониот и Касациониот суд – рече Ердоган, додавајќи: „Ако судовите направија грешка, таа ќе биде исправена. Тие се обидуваат да не вовлечат во оваа игра“.