Пратеникот од редовите на ВМРО-ДПМНЕ, Влатко Ѓорчев, по повод Бадник-Божиќ, посети верски храмови во неколку различни места во земјава.
Ѓорчев го посрти Бигорскиот манастир Св. Јован Крстител, каде оствари средба со игуменот Архимамдритот Партениј и монасите, а потоа со повеќе стотици верници присуствуваше на бадниковата изведба на етно составот “Љубојна”.
Тој беше и во Тетово, каде присуствуваше на концертот на хорот “Менада” во црквата Св. Кирил и Методиј, заедно со владиката Јосиф од Полошката тетовско – гостиварска епархија.
Истиот ден, пратеникот ја посети и црквата “Успение на Пресвета Богородица” во Струмица, посакувајќи им честит Божиќ на верниците.
Заедно со сопругата и децата, Влатко Ѓорчев присуствуваше на Божиќниот концерт и претстава пред црквата Св. Димитрија во Скопје, како и пречекот на Бадниковата поворка во Соборниот храм Св. Климент Охридски во Скопје.
„Вреди да се стигне секаде. Убава е нашата Македонија. Христос се роди!“, напиша тој на неговиот фејсбук профил.