Филипче: Да ги почитуваме мерките, заштитете се!

Северна Македонија влегува во својот четврт месец откако корона вирусот е присутен во нашата земја, а министерот за здравство, Венко Филипче уште еднаш апелираше на мерките за заштита од вирусот.

„Апелирам да ги почитуваме мерките за заштита од коронавирус, затоа што само преку нивно почитување може да го спречиме ширењето на овој непредвидлив непријател – вирусот ковид-19. Да носиме заштитна маска, да ја одржуваме потребната физичка дистанца и често да ги миеме рацете“, истакна Филипче на својот профил на Фејсбук.