„Еко Герила постојано беше заинтересирана да го разбере напредокот на валоризацијата на вредностите на Шар Планина, документ што претставува основа за воведување на оваа територија во рамките на системот на заштитени подрачја, имено прогласување за Национален парк. Валоризацијата е веќе завршена и експертите дадоа позитивна оценка. Екипата на експертите даде препорака дека оваа територија треба да биде прогласена за Национален парк за да се заштитуваат флората и фауната, различните природни ресурси, вклучувајќи и различни минерали но и плановите за развој на секоја засегнатата општина под територијата на Шар Планина, изјавија денеска од здружението на прес-конференција.
„Денес ја повикуваме владата да ја проследи одлуката на експертите да ја прогласат Шар Планина за Националниот парк, пред пратениците во Парламентот, со цел да се официјализира оваа одлукаж и да ги почитуваат оценките и заклучоците на експертите за внатрешното зонирање на паркот.
Според наши информации постои некаков облик на притисок од страна на интересните групи вклучени во изградбата на мали хидроцентрали субвенционирани од даночните обврзници кои бараат да го спречат прогласување на Шар Планина за Националниот парк додека не ги реализираат своите проекти и да ги уништат околината и реките на Шара. Овој вид на притисок или лобирање од страна на хидро-мафијата не треба да биде земен предвид од граѓаните и Владата. Тие треба да дадат приоритет на заштитата на разни растителни и животински видови на планината Шара, заштитата на водните ресурси за жителите на подрачјата околу планината а исто така и заштитата на шумите од масовната сеча.
Интересите на граѓаните и жителите на заштитеното подрачје треба да бидат приоритетни во однос на интересите на мафија на хидроцентралите која уништува природни ресурси со државни субвенции, односно со пари на граѓаните“, соопштија од Еко Герила.
