Двајца починати и 49 новозаразени од корона вирус

by Fokus 14:13
14:13

Нови 49 заболени пациенти од корона вирус се регистрирани во последното денононоќие и двајца починати, дознава Фокус од извори во министерството за здравство.

Според нашите информации, Куманово повторно ја предводи листата со уште 14 нови случаи.

- Advertisements -

Во изминатото деноноќие на Клиниката се примени 3 пациенти, а во моментов се хоспитализирани вкупно 68, од кои 15 се на кислородна поддршка и 8 на механичка вентилација.

Во болницата „8 септември“ се примени 8 нови пациенти, а вкупно се хоспитализирани 28 потврдени и сомнителни на коронавирус. Од нив, 9 се со потешка клиничка слика, а 6 пациенти се на респираторна машина.

Во болницата во Битола се хоспитализирани вкупно 5 пациенти, еден пациент повремено на кислородна поддршка, а другите стабилни. На домашно лекување преку оваа болница се следат 7 пациенти кои се во добра општа состојба.

Во болницата во Штип се хоспитализирани вкупно 13 пациенти потврдени и сомнителни на коронавирус, а уште 13 се следат на домашно лекување. Освен една пациентка кај која има влошување на состојбата, сите останати пациенти се стабилни.

Во текот на вчерашниот ден се направени рекордни 586 теста.

Поврзани новости